“जगा सांगे तत्वज्ञान, स्वतः कोरडे पाषाण..!”: क्रिकेटमध्ये हिंदी कॉमेंट्री करणाऱ्या दिग्गजांची आंतरराष्ट्रीय कारकीर्द कशी आहे? येथे जाणून घ्या
क्रिकेट समालोचक: भारताचा माजी फलंदाज आणि सध्या समालोचन करीत असलेला संजय मांजरेकर हा नहमीच कोणत्या न कोणत्या कारणांसाठी चर्चेत असतो, मागे एकदा रवींद्र जाडेजावर टिप्पणी करून फसलेला मांजरेकर यावेळेस पुन्हा त्याच कारणांसाठी नेटीजन्सच्या रडारवर आलाय, यावेळी त्याने नुकताच आंतरराष्ट्रीय क्रिकेटमधून निवृत्ती घेतलेल्या मुरली विजयच्या योगदानाबाबत विवादीत टिप्पणी केली. संजय मांजरेकर स्वतः जास्त सामने खेळला नाहीये पण तो ज्या त्वेषाने दुसऱ्यांबद्दल बोलतो ते पाहता कुणाही क्रिकेटप्रेमीची सटकेल त्याच्याच प्रमाणे संजय बांगर, आकाश चोप्रा आणि दीप दास गुप्ता यांसारखे दिग्गज समालोचक, जे हिंदी कॉमेंट्री करतात, आंतरराष्ट्रीय क्रिकेटमध्ये पूर्णपणे फ्लॉप ठरले आहेत.
ऋषभ | प्रतिनिधी
हिंदी समालोचक: संजय मांजरेकर ते आकाश चोप्रा आणि दीप दास गुप्ता अशी अनेक मोठी नावे आहेत, ज्यांची गणना सध्या हिंदी समालोचकांच्या दिग्गजांमध्ये केली जाते. हे असे समालोचक आहेत, जे कंटाळवाण्या सामन्यांमध्येही आपल्या कथाकथनाने प्रेक्षकांना खिळवून ठेवतात. तांत्रिक बाबींपासून ते सामन्यातील प्रत्येक मिनिटाच्या तपशिलावर त्यांच्या नजरा खिळल्या आहेत. कोण आहेत हे दिग्गज समालोचक आणि आंतरराष्ट्रीय क्रिकेटमध्ये त्यांची आकडेवारी कशी आहे, जाणून घ्या…
संजय मांजरेकर :
या माजी क्रिकेटपटूने नोव्हेंबर 1987 मध्ये पहिला आंतरराष्ट्रीय सामना खेळला होता. कसोटी क्रिकेटमध्ये त्याने 37 सामन्यांच्या 61 डावांमध्ये एकूण 2043 धावा केल्या. यादरम्यान त्याची फलंदाजीची सरासरी केवळ 37.14 होती. त्याच्या नावावर कसोटी क्रिकेटमध्ये 4 शतके आहेत. त्याचवेळी, एकदिवसीय क्रिकेटमध्ये या खेळाडूने 74 सामन्यांच्या 70 डावांमध्ये 33.23 च्या सरासरीने 1994 धावा केल्या. वनडेत त्याचे शतक आहे.
अरुण लाल:
1982 मध्ये कसोटी क्रिकेटमध्ये पदार्पण करणारे अरुण लाल हे हिंदी समालोचकांमध्ये एक मोठे नाव आहे. अरुण लाल यांनी आपल्या कारकिर्दीत केवळ 16 कसोटी सामने आणि 13 एकदिवसीय सामने खेळले. त्याने कसोटी सामन्यात २६ च्या सरासरीने एकूण ७२९ धावा आणि एकदिवसीय सामन्यात ९.३८ च्या सरासरीने १२२ धावा केल्या. त्याच्या आंतरराष्ट्रीय कारकिर्दीत त्याला केवळ 7 अर्धशतके करता आली.
दीप दास गुप्ता:
2001 मध्ये आंतरराष्ट्रीय क्रिकेटमध्ये पदार्पण करणाऱ्या दीप दास गुप्ता यांची क्रिकेट कारकीर्दही खूपच कमी होती. तो केवळ 13 आंतरराष्ट्रीय सामने खेळला, ज्यात 8 कसोटी आणि 5 एकदिवसीय सामने खेळले. दीप दास गुप्ताने कसोटी क्रिकेटमध्ये ३४४ धावा आणि एकदिवसीय क्रिकेटमध्ये ५१ धावा केल्या.
संजय बांगर:
संजय बांगर त्याच्या आंतरराष्ट्रीय क्रिकेट कारकिर्दीतही पूर्णपणे फ्लॉप ठरला. बांगरने 12 कसोटी सामन्यांच्या 18 डावात केवळ 470 धावा केल्या. त्याच वेळी, त्याला 15 एकदिवसीय सामन्यांमध्ये केवळ 13.84 च्या सरासरीने 180 धावा करता आल्या. संजय बांगरने 2001 मध्ये आंतरराष्ट्रीय क्रिकेटमध्ये पदार्पण केले.
आकाश चोप्रा:
या अनुभवी समालोचकाने ऑक्टोबर 2003 मध्ये आंतरराष्ट्रीय पदार्पण केले. त्याच्या कारकिर्दीत, तो फक्त 10 कसोटी सामने खेळू शकला, जिथे त्याने फक्त 23 च्या फलंदाजीच्या सरासरीने 437 धावा केल्या. यादरम्यान त्याने दोन अर्धशतकेही झळकावली. कसोटीशिवाय तो आंतरराष्ट्रीय क्रिकेटमध्ये एकही एकदिवसीय किंवा टी-20 खेळू शकला नाही.
यांपैकी इरफान पठाण तेवढाच काय तो दोन्ही ठिकाणी स्वतःला सिद्ध करू शकलेला आहे.
इरफान पठाण:
हिंदी समालोचकांमध्ये इरफान पठाणची कारकीर्द अप्रतिम राहिली आहे. या अष्टपैलू खेळाडूने आंतरराष्ट्रीय क्रिकेटमध्ये बॉल आणि बॅटने कहर केला आहे. 2003 मध्ये पदार्पण करणाऱ्या इरफानने कसोटी क्रिकेटमध्ये 29 सामने खेळले. येथे त्याने 1105 धावा केल्या आणि 100 बळीही घेतले. त्याच वेळी, तो एकदिवसीय फॉरमॅटमध्ये एकूण 120 सामने खेळला. येथे त्याने 1544 धावा केल्या आणि 173 विकेट्सही घेतल्या. इरफानची T20I कारकीर्द थोडी लहान होती. येथे त्याने केवळ 172 धावा केल्या आणि 28 विकेट घेतल्या.
