अहमदाबाद कसोटी: नॅथन लायन बनेल भारतातील सर्वाधिक कसोटी बळी घेणारा विदेशी गोलंदाज , खालसा होणार 40 वर्षांचा विक्रम
भारत विरुद्ध ऑस्ट्रेलिया: भारतात सर्वाधिक कसोटी बळी घेणारा परदेशी गोलंदाज इंग्लंडचा डेरेक अंडरवूड आहे. आता नॅथन लायन अहमदाबाद कसोटीत हा विक्रम मोडू शकतो.
ऋषभ | प्रतिनिधी
नॅथन लियॉन भारत विरुद्ध ऑस्ट्रेलिया: ऑस्ट्रेलियाचा फिरकी गोलंदाज नॅथन लियॉन भारत आणि ऑस्ट्रेलिया (IND vs AUS) यांच्यात अहमदाबाद येथे खेळल्या जात असलेल्या कसोटी सामन्यात एका मोठ्या विक्रमानजीक आहे. तो भारतात सर्वाधिक कसोटी बळी घेणारा विदेशी गोलंदाज ठरणार आहे. हा विक्रम करण्यासाठी त्याला फक्त दोन विकेट्सची गरज आहे. त्याचा सध्याचा फॉर्म पाहता तो अहमदाबाद कसोटीत दोन बळी घेऊन हा विक्रम नक्कीच आपल्या नावावर करू शकतो.
नॅथन लायनने आतापर्यंत भारतात 11 कसोटी सामने खेळले आहेत. यामध्ये त्याने 26.05 च्या गोलंदाजीच्या सरासरीने 53 विकेट्स घेतल्या आहेत. यादरम्यान त्याने पाच कसोटी सामन्यांमध्ये पाच किंवा पाचपेक्षा जास्त विकेट घेतल्या आहेत. त्याचबरोबर त्याने एकदा 10 पेक्षा जास्त विकेट्स घेतल्या आहेत. त्याची भारतातील सर्वोत्तम गोलंदाजी गेल्या कसोटी सामन्यात पाहायला मिळाली. येथे त्याने 99 धावांत 11 बळी घेतले.
भारतात सर्वाधिक विकेट घेणारे टॉप-5 विदेशी गोलंदाज
आतापर्यंत इंग्लंडचा माजी फिरकीपटू डेरेक अंडरवूड हा भारतातील सर्वाधिक बळी घेणारा विदेशी गोलंदाज आहे. डेरेकने 1972 ते 1982 दरम्यान भारतीय मैदानावर 16 सामन्यांत 54 विकेट घेतल्या. गेल्या 40 वर्षांपासून हा विक्रम त्यांच्या नावावरच आहे.
डेरेकनंतर नॅथन लिऑन (५३ विकेट) दुसऱ्या क्रमांकावर, ऑस्ट्रेलियाचा माजी फिरकी गोलंदाज रिची बेनॉड (५२ विकेट) तिसऱ्या स्थानावर, वेस्ट इंडिजचा माजी वेगवान गोलंदाज कोर्टनी वॉल्श (४३ विकेट) चौथ्या स्थानावर आणि श्रीलंकेचा महान फिरकी गोलंदाज मुथय्या मुरलीधरन (४० विकेट्स) पाचव्या स्थानावर आहे. म्हणजेच टॉप-५ च्या या यादीत चार फिरकी गोलंदाजांचा समावेश आहे. इंदूर कसोटीपूर्वी, नॅथन लियॉन या टॉप-5 यादीत चौथ्या स्थानावर होता, परंतु आता त्या कसोटीत 11 विकेट्स घेत तो दुसऱ्या क्रमांकावर आहे.
