Google गंडलं! करोडो युजर्सला सर्व्हर डाऊनचा फटका
सिध्देश सावंत | प्रतिनिधी
ब्युरो : सोमवारी गुगलचं सर्व्हर डाऊन झाल्यानं युजर्सना मोठा फटका बसलाय. कारण जीमेलसह, यू ट्यूब, गुगल ड्राईव्ह ठप्प झाल्यानं युजर्सचा खोळंबा झालाय. त्यामुळे गुगल गंडल्यानं संतापलेल्या नेटकऱ्यांनी ट्विटरवर गुगलवर निशाणा साधलाय. संपूर्ण भारतात झालेल्या सर्व्हर डाऊनचा फटका करोडो युजर्सला बसलाय. अनेकांची कामं गुगल डाऊन झाल्यामुळे खोळंबली आहेत. तर कित्येकांना मनस्तापाला सामोरं जावं लागलंय.
The day came. When you can’t even google what happened with google.
— AngelPropertyGroup (@AngelPropertyG1) December 14, 2020
It’s still 2020.#googledown pic.twitter.com/LUHGleNgJf
गुगलची सर्व्हिस डाऊन नेमकी का झाली, हे कळू न शकल्यानं सुरुवातीला अनेकजण गोंधळून गेले होते. मात्र सर्व्हर डाऊनमुळे गुगलची सर्व्हिस डाऊन झाल्याचं कळल्यानंतर अनेकांनी रोष व्यक्त केलाय. तांत्रिक कारणामुळे गुगलची सर्व्हिस डाऊन झाल्याचं कळतंय. सध्या गुगलकडून तांत्रिक बिघाडावर तातडीनं काम केलं जात असून आता तही सर्व्हिस तातडीनं सुरु करण्याचे प्रयत्न गुगलच्या टीमकडून केले जात आहेत.
#googledown #YouTubeDOWN #gmail pic.twitter.com/j3bRMW7PRU
— Jaya devgan (@JayaDevgan) December 14, 2020
गुगल इंडियाकडून तातडीनं नेमका बिघाड शोधून काढून ही सर्व्हिस शक्य तितक्या लवकरच सुरु करण्यात येणार असल्याचं सांगितलं जातंय. मात्र तोपर्यंत तरी अनेकांना या सर्व्हर डाऊनचा फटका बसणार हे नक्की. सर्व्हर डाऊन झाल्यामुळे अनेक ठिकाणी गुगल सर्च इमेज, यू-ट्यूब व्हिडीओ, मेल लॉग ईन या सगळ्यावर परिणाम झाल्याचं पाहायला मिळतंय.
#googledown #gmaildown pic.twitter.com/FxQtBTiepR
— Simona Modesto (@simonamodesto) December 14, 2020
तासभर झालेल्या या खोळंब्यानंतर यु-ट्यूब आणि गुगलची सर्व्हिस पुन्हा एकदा सुरु झाली असल्याचा दावा केला जातोय. मात्र तोपर्यंत नेटकऱ्यांनी सोशल मीडियावर गंडलेल्या गुगल सर्व्हरवर सडकून टीका केली आहे.
apparently we’re promoting our fcs #YouTubeDOWN youtube down google classroom #Facebook pic.twitter.com/4Nh7lekgmz
— Robert Sean Leonard (Real!!) (@janesworthy) December 14, 2020
