पीएम मोदींचा मोठा निर्णय! खेलरत्न पुरस्काराचं नाव बदललं

आता राजीव गांधींऐवजी मेजर ध्यानचंद यांच्या नावाने पुरस्कार!

Goan Varta Live | प्रतिनिधी

नवी दिल्ली: नरेंद्र मोदी यांनी ट्विट करत खेलरत्न पुरस्काराचं नाव बदलल्याची घोषणा केली. भारतातील अनेक नागरिकांनी खेलरत्न पुरस्काराचं नाव मेजर ध्यानचंद यांच्या नावानं असावं, असं म्हटलं होतं. मी त्यांच्या मतांसाठी आभार मानतो, असं म्हटलं आहे. त्यांच्या भावनांचा आदर करत खेलरत्न पुरस्कार आतापासून ‘मेजर ध्यानचंद खेलरत्न पुरस्कार’ नावानं ओळखला जाईल, असं म्हटलं. माजी पंतप्रधान राजीव गांधी यांचं नाव बदलून मेजर ध्यानचंद यांचं नाव पुरस्काराला देण्यात आलं आहे.

हेही वाचाः पदक नाही म्हणून काय झालं, तुमच्या कर्तृत्वाची प्रेरणा लाखमोलाची

मेजर ध्यानचंद यांचं भारतीय हॉकीतील योगदान

मेजर ध्यानचंद यांना हॉकीचे जादूगार म्हटलं जातं. मेजर ध्यानचंद यांचं भारतीय हॉकीमध्ये महत्त्वाचं योगदान राहिलं आहे. त्यांनी त्यांच्या अखेरच्या ऑलम्पिकमध्ये 13 गोल केले होते. त्यांनी बर्लिन येथे 1936 मध्ये अखेरचं ऑलम्पिक खेळलंय होतं. अमस्टर्डम, लॉस एंजेलिस आणि बर्लिन ऑल्मपिक मिळून ध्यानचंद यांनी 39 गोल केले होते.

हेही वाचाः IND vs ENG : नॉटिंगहॅममध्ये पुन्हा पावसाचा खेळ

मेजर ध्यानचंद यांच्या जन्मदिवस भारतात राष्ट्रीय खेळ दिवस म्हणून साजरा केला जातो. 29 ऑगस्टला त्यांची जयंती असते. खेल रत्न पुरस्कारांची सुरुवात 1991-92 मध्ये करण्यात आली होती. ध्यानचंद यांनी भारताला सलग तीन ऑलम्पिकमध्ये 1928 अमस्टर्डम, 1932 लॉस एंजेलिस आणि 1936 बर्लिनमध्ये भारतीय हॉकी संघाला सुवर्णपदक मिळवून दिलं होतं.

हेही वाचाः सत्तरीत डोंगर कोसळल्याने जैविक संपत्तीचं नुकसान

भारतरत्न देण्याची मागणी

भारतीय हॉकीचे जादूगार मेजर ध्यानचंद यांना भारतरत्न पुरस्कार देण्याची मागणी गेल्या काही वर्षांपासून होत आहे. मात्र, अद्याप त्यांना भारतरत्न पुरस्कारानं गौरवण्यात आलेलं नाही. क्रीडा क्षेत्रातील योगदानासाठी भारतरत्न पुरस्कार क्रिकेटपटू सचिन तेंडूलकर याला देण्यात आलेला आहे.

हेही वाचाः एक कोटीच्या खंडणीसाठी व्यापाऱ्याचे अपहरण

कोण होते मेजर ध्यानचंद?

मेजर ध्यानचंद यांचा जन्म उत्तर प्रदेशच्या अलाहाबाद (आता प्रयागराज) जिल्ह्यात 29 ऑगस्ट 1905 रोजी झाला होता. राजपूत कुटुंबातील ध्यानचंद हे पुढे जाऊन भारतीय हॉकीच नाही, तर जागतिक हॉकीमधील महान खेळाडू बनतील हे तेव्हा कोणालाच वाटलं नव्हतं. ध्यानचंद यांचे वडिल समेश्वर सिंह हे ब्रिटिश इंडियन आर्मीमध्ये होते. सैन्यात असल्याने सतत वडिलांची बदली होत असल्याने ध्यानचंद सहावीपर्यंतच शिकू शकले. वडिल ब्रिटीश आर्मीच्या हॉकी संघात असल्याने ध्यानचंद यांच्या रक्तातच हॉकी दडली होती. लहानपणी तितकसं हॉकीत लक्ष न देणाऱ्या ध्यानचंद यांनी 16 वर्षाचे असताना आर्मी जॉईन केली आणि बघता बघता त्यांचा हॉकीबद्दलची आवडही वाढू लागली.

हेही वाचाः सासष्टी तालुक्यात सर्वाधिक ५१२ मुंडकार खटले प्रलंबित

असं पडलं ‘ध्यानचंद’ नाव

ध्यानचंद यांच्या नावामागे देखील एक किस्सा आहे. 16 वर्षाचे असतानाच आर्मी जॉईन केल्याने ध्यानचंद यांना दिवसा हॉकी सरावासाठी वेळ मिळत नसे. त्यामुळे रात्रीच्या वेळेस ते हॉकीचा सराव करत. त्यावेळी लाईट नसल्याने त्यांना चंद्राच्या प्रकाशात सराव करावा लागत. ज्यामुळे मित्र मस्तीत त्यांना ‘चंद’ बोलवू लागले. ज्यानंतर त्याचं नावच ध्यानचंद पडलं. सुरुवातीला आर्मीसाठी हॉकी खेळणारे ध्यानचंद 1922 ते 1926 पर्यंत आर्मीच्या संघातच खेळत होते. पण उत्कृष्ट खेळ आणि मेहनतीच्या जोरावर त्यांनी आर्मी संघापर्यंतच मर्यादीत न राहता राष्ट्रीय संघातही प्रवेश मिळवला. त्यांनी ब्रिटीश इंडियाची टीम न्यूझीलंड दौऱ्यावर असताना संघातून खेळायला सुरुवात केली. त्यावेळी चांगले प्रदर्शन केल्यामुळे त्यांना सैन्यातील पदावरही बढती मिळाली.

हेही वाचाः पुरामुळे धारबांदोड्यात दोन कोटींचं नुकसान

पहिलं ऑलिम्पिक, पहिला सामना आणि ध्यानचंद यांची जादू

1928 मध्ये पहिल्यांदा ऑलिम्पिक सामना खेळणारे मेजर ध्यानचंद यांनी अशी काही जादू केली की संपर्ण जग त्यांच्या खेळाचे चाहते झाले. पहिल्याच सामन्यात त्यांनी 3 गोल लगावले. त्यानंतर दुसऱ्या सामन्यात एकच गोल करणाऱ्या ध्यानचंद यांनी तिसऱ्या सामन्यात मात्र डेन्मार्क विरुद्ध  3 गोल करत संघाला विजय मिळवून दिला. नेदरलँडमध्ये झालेल्या या ऑलिम्पिकमध्ये त्यांनी 5 सामन्यात सर्वाधिक 14 गोल केले.

हेही वाचाः आसगाव, हणजूण येथे ड्रग्ज जप्त

हिटलरही होता ध्यानचंद यांच्या खेळाचा चाहता

1936 मध्ये बर्लिन येथे ऑलिम्पिक खेळाचं आयोजन करण्यात आलं होतं. त्यावेळी भारत आणि जर्मनी हे संघ आमने-सामने असताना तब्बल 40 हज़ार प्रेक्षकांसह जर्मनीचा हुकमशहा अॅडॉल्फ हिटलर देखील त्याठिकाणी होता. पहिल्या हाफमध्ये भारत केवळ एकच गोल करु शकला होता. पण नंतर ध्यानचंद यांनी असं काही केलं की संपूर्ण मैदान आश्चर्यचकीत झालं. दुसऱ्या हाफमध्ये त्यांनी थेट शूज काढून विनाशूज खेळू लागले. ज्यानंतर मात्र भारताने सामना तब्बल 8-1 अशा तगड्या फरकानं जिंकला. त्यांच्या या खेळीचा हिटलरही दिवाना झाला. त्याने ध्यानचंद यांना जर्मनीकडून खेळण्याची ऑफरही दिली, पण मनात भारत असणाऱ्या ध्यानचंद यांनी ही ऑफर नाकारली.

हेही वाचाः फोडाफोडीला सुरुवात! भाजपच्या माजी मंत्र्यांचा आपमध्ये प्रवेश

म्हणून म्हटलं जात ‘हॉकीचा जादूगर’

मेजर ध्यानचंद यांना हॉकीचा जादूगर म्हटलं जात… पण त्यांना ही उपमा सहज मिळाली नाही. त्यासाठी त्यांनी अहोरात्र मेहनत आणि अप्रतिम खेळाचं दर्शन घडवलं. त्यांनी भारताला 1928, 1932 आणि 1936 अशा सलग तीन ऑलिम्पिकमध्ये सुवर्णपदक जिंकवून दिलं. आपल्या संपूर्ण कारकिर्दीत त्यांनी तब्बल 400 हून अधिक गोल केले. बर्लिन येथे 1936 मध्ये अखेरची ऑलम्पिक स्पर्धा खेळणाऱ्या ध्यानचंद यांनी त्यांच्या या अखेरच्या ऑलिम्पिकमध्ये 13 गोल केले होते. त्यांनी अमस्टर्डम, लॉस एंजेलिस आणि बर्लिन ऑलिम्पिकमध्ये मिळून 39 गोल केले होते. त्यांच्या या अतुलनीय कामगिरीसाठी भारत सरकारने 1956 मध्ये त्यांना पद्मभूषण पुरस्कार देऊन सन्मानित देखील केलं होतं.

हा व्हिडिओ पहाः Video | MAJOR PORT LAW | हा कायदा गोव्याचं अस्तित्व संपवणारा- कॉंग्रेस

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक आणि ट्विटरवर आम्हाला फॉलो करा तसेच युट्युब, व्हाटसअप आणि टेलिग्रामवर सबस्क्राईब करायला विसरु नका.
error: Content is protected !!