CORONA UPDATE | देशात नव्या कोरोनाग्रस्तांमध्ये 8 हजारांनी वाढ
Goan Varta Live | प्रतिनिधी
नवी दिल्ली: देशात कोरोनाग्रस्तांच्या रुग्णसंख्येत चढउतार पाहायला मिळत आहेत. गेल्या 24 तासात आदल्या दिवसाच्या तुलनेत कोरोना बाधितांच्या संख्येत आठ हजारांनी वाढ झाली आहे. कालच्या दिवसात 45 हजार 951 नवीन कोरोनाबाधित रुग्णांची नोंद झाली. एका दिवसात 817 कोरोनाग्रस्तांना प्राण गमवावे लागले आहेत. नव्या कोरोनाग्रस्त रुग्णसंख्येत पुन्हा वाढ झाल्याने चिंता व्यक्त केली जात आहे. तर कोरोनाबळींचा आकडाही एक हजाराच्या खाली गेला आहे. कोरोनातून बरे होणाऱ्या रुग्णांची संख्याही वाढत असल्याने दिलासा मानला जात आहे.
24 तासातील आकडेवारी
गेल्या 24 तासात भारतात 45 हजार 951 नव्या कोरोनाबाधित रुग्णांची नोंद झाली आहे. तर 817 रुग्णांना प्राण गमवावे लागले. कालच्या दिवसात देशात 60 हजार 729 जण कोरोनामुक्त होऊन घरी परतले.
India reports 45,951 new #COVID19 cases, 60,729 recoveries, and 817 deaths in the last 24 hours, as per the Union Health Ministry.
— ANI (@ANI) June 30, 2021
Total cases: 3,03,62,848
Total recoveries: 2,94,27,330
Active cases: 5,37,064
Death toll: 3,98,454
Total Vaccination : 33,28,54,527 pic.twitter.com/eHk8vhsLWc
आतापर्यंतची आकडेवारी
भारतातील एकूण कोरोनाग्रस्तांचा आकडा आता 3 कोटी 3 लाख 62 हजार 848 वर गेला आहे. देशात आतापर्यंत 2 कोटी 94 लाख 27 हजार 330 रुग्ण बरे झाले आहेत. तर 3 लाख 98 हजार 454 रुग्णांनी आतापर्यंत कोरोनामुळे प्राण गमावले आहेत. 5 लाख 37 हजार 64 इतके सध्याच्या घडीला सक्रिय रुग्ण आहेत. आतापर्यंत कोरोना लसीकरण झालेल्या देशातील नागरिकांची संख्या 33 कोटी 28 लाख 54 हजार 527 इतकी असल्याची माहिती केंद्रीय आरोग्य मंत्रालयाने दिली आहे.
देशातील कोरोना रुग्ण आकडेवारी
देशात 24 तासात नवे रुग्ण – 45,951
देशात 24 तासात डिस्चार्ज – 60,729
देशात 24 तासात मृत्यू – 817
एकूण रूग्ण – 3,03,62,848
एकूण डिस्चार्ज – 2,94,27,330
एकूण मृत्यू – 3,98,454
एकूण एक्टिव्ह रुग्ण – 5,37,064
आतापर्यंत लसीकरण झालेली संख्या – 33,28,54,527
एका दिवसातील लसीकरण – 36,51,983
