CORONA UPDATE | देशात नवे कोरोनाग्रस्त 60 हजारांच्या घरात

कोरोनाबळींतही 1200 ने घट; गेल्या 75 दिवसातील निचांकी आकडेवारी

Goan Varta Live | प्रतिनिधी

नवी दिल्ली : देशात कोरोनाग्रस्तांच्या रुग्णसंख्येत मोठी घट पाहायला मिळत आहे. गेल्या 24 तासात आदल्या दिवसाच्या तुलनेत कोरोना बाधितांच्या संख्येत 10 हजारांनी घट झाली आहेच, मात्र गेल्या 75 दिवसातील ही निचांकी आकडेवारी ठरली आहे. कालच्या दिवसात 60 हजार 471 नवीन कोरोनाबाधित रुग्णांची नोंद झाली. कालच्या दिवसात 2 हजार 726 कोरोनाग्रस्तांना प्राण गमवावे लागले आहेत. नव्या कोरोनाग्रस्त रुग्णसंख्येत घट होत असल्याने दिलासा व्यक्त केला जात आहे. तसेच कोरोनातून बरे होणाऱ्यांचीही संख्या वाढत आहे.

हेही वाचाः गोव्यात कुठे मिळेल नोकरी? इथे आहेत नोकरीच्या संधी!

24 तासातील आकडेवारी

गेल्या 24 तासात भारतात 60 हजार 471 नव्या कोरोनाबाधित रुग्णांची नोंद झाली आहे. तर 2 हजार 726 रुग्णांना प्राण गमवावे लागले. कालच्या दिवसात देशात 1 लाख 17 हजार 525 जण कोरोनामुक्त होऊन घरी परतले.

हेही वाचाः 20 दिवसांत फक्त 3 टॅक्सींना डिजिटल मीटर बसवले!

आतापर्यंतची आकडेवारी

भारतातील एकूण कोरोनाग्रस्तांचा आकडा आता 2 कोटी 95 लाख 70 हजार 881 वर गेला आहे. देशात 2 कोटी 82 लाख 80 हजार 472 रुग्ण बरे झाले आहेत. आतापर्यंत 3 लाख 77 हजार 31 रुग्णांनी कोरोनामुळे प्राण गमावले आहेत. तर 9 लाख 13 हजार 378 इतके सध्याच्या घडीला सक्रिय रुग्ण आहेत.

हेही वाचाः कॉलेजची अंतिम परीक्षा 9 जुलैपासून, परीपत्रक जारी

आतापर्यंत कोरोना लसीकरण झालेल्या देशातील नागरिकांची संख्या 25 कोटी 90 लाख 44 हजार 72 इतकी असल्याची माहिती केंद्रीय आरोग्य मंत्रालयाने दिली आहे.

हेही वाचाः दीड कोटीच्या दारूनं कोणाकोणाचे घसे केले ‘ओले’?

देशातील कोरोना रुग्ण आकडेवारी

देशात 24 तासात नवे रुग्ण – 60,471

देशात 24 तासात डिस्चार्ज – 1,17,525

देशात 24 तासात मृत्यू – 2726

एकूण रूग्ण –  2,95,70,881

एकूण डिस्चार्ज – 2,82,80,472

एकूण मृत्यू – 3,77,031

एकूण एक्टिव्ह रुग्ण – 9,13,378

आतापर्यंत लसीकरण झालेली संख्या – 25,90,44,072

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक आणि ट्विटरवर आम्हाला फॉलो करा तसेच युट्युब, व्हाटसअप आणि टेलिग्रामवर सबस्क्राईब करायला विसरु नका.
error: Content is protected !!