3 मतदारसंघांच्या पोटनिवडणुका निवडणूक आयोगाने केल्या जाहीर

मध्य प्रदेशातील खांडवा मतदारसंघ, हिमाचल प्रदेशातील मंडी आणि दादरा नगर हवेली मतदारसंघांची पोटनिवडणूक येत्या ३० ऑक्टोबर रोजी

Goan Varta Live | प्रतिनिधी

ब्युरो रिपोर्टः निवडणूक आयोगानं आज ३ लोकसभा मतदारसंघांच्या पोटनिवडणुका जाहीर केल्या. मध्य प्रदेशातील खांडवा मतदारसंघ, हिमाचल प्रदेशातील मंडी आणि दादरा नगर हवेली मतदारसंघांची पोटनिवडणूक येत्या ३० ऑक्टोबर रोजी होणार आहे.

१४ राज्यांमधल्या ३० विधानसभा मतदारसंघांच्या पोटनिवडणुकाही जाहीर

आयोगानं १४ राज्यांमधल्या ३० विधानसभा मतदारसंघांच्या पोटनिवडणुकाही जाहीर केल्या आहेत. त्यामध्ये आसाममधल्या ५, पश्चिम बंगाल मधल्या ४, मध्य प्रदेश, हिमाचल प्रदेश आणि मेघालयातील प्रत्येकी ३, राजस्थान, बिहार आणि कर्नाटकातील प्रत्येकी २ मतदारसंघांचा समावेश आहे. आंध्र प्रदेश, हरियाणा, महाराष्ट्र, मिझोरम, नागालँड आणि तेलंगणातील प्रत्येकी एका मतदारसंघातही याच दिवशी निवडणूका होत आहेत.

१ ऑक्टोबर रोजी अधिसूचना जारी करणार

लोकसभा आणि विधानसभा पोटनिवडणुकीसाठी १ ऑक्टोबर रोजी अधिसूचना जारी केली जाईल आणि पुढील महिन्याच्या 8 तारखेपर्यंत उमेदवारी अर्ज दाखल करता येणार आहेत.

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक आणि ट्विटरवर आम्हाला फॉलो करा तसेच युट्युब, व्हाटसअप आणि टेलिग्रामवर सबस्क्राईब करायला विसरु नका.
error: Content is protected !!