पॅनकार्ड आधारला लिंक करण्यासाठी पुन्हा मुदतवाढ

आता शेवटची तारीख 30 सप्टेंबर

Goan Varta Live | प्रतिनिधी

मुंबई: कोरोना संकटामुळे सध्या दैनंदिन व्यवहार आणि इतर कामकाज करण्यात बऱ्याच समस्या येत आहेत. या पार्श्वभूमीवर केंद्र सरकारकडून पॅनकार्ड आधारशी लिंक करण्याची मुदत पुन्हा एकदा वाढवण्यात आली आहे. तसेच आयटीआर फाईल करण्यासाठीही अतिरिक्त अवधी देण्यात आला आहे. त्यानुसार आता पॅनकार्ड आधारला लिंक करण्याची शेवटची तारीख 30 सप्टेंबर करण्यात आली आहे. यापूर्वी 30 जून ही अंतिम मुदत होती. मात्र, ही मुदत तीन महिन्यांनी वाढवल्याने सामान्य नागरिकांना दिलासा मिळणार आहे.

हेही वाचाः सेंद्रिय कृषीविषयक प्रशिक्षण दिलेले किमान 500 शेतकरी दाखवाच

पॅनकार्ड आधारशी लिंक आहे का, हे कसे चेक कराल?

अनेकांना पॅनकार्ड आणि आधार लिंक झालं आहे की नाही याची कल्पना नसते. मॅसेज किंवा इनकम टॅक्सच्या वेबसाईटवर जाऊन आपला पॅन-आधार कार्ड सहजपणे लिंक करू शकता. यासाठी, आपल्याला आयकर विभागाच्या अधिकृत वेबसाईट https://www1.incometaxindiaefiling.gov.in/eFilingGS/Services/AhaarPreloginStatus.html वर जावं लागेल. लिंक ओपन झाल्यानंतर तुम्हाला दोन बॉक्स दिसतील. यापैकी एका बॉक्समध्ये तुम्हाला तुमचा आधार क्रमांक टाकावा लागेल. तर दुसर्‍या बॉक्समध्ये पॅन क्रमांक टाका. त्यानंतर view link aadhaar status वर क्लिक करा. त्यावर क्लिक करून, जर तुमचे आधार कार्ड पॅन क्रमांकाशी जोडलेले असेल तर तुम्हाला Success असे दाखवले जाईल. मात्र जर तुम्ही आधार आणि पॅन कार्ड एकमेकांशी जोडलेले नसेल तर तेही तुम्हाला दाखवले जाईल. यामुळे तुम्हाला आधार पॅनशी जोडलेले आहे की नाही हे सहज जाणून घेता येईल.

हेही वाचाः वेर्णा अपघातात दोघे ठार

पॅनकार्ड कसे जोडाल आधार कार्डशी?

– आयकर विभागाच्या अधिकृत वेबसाइट incometaxindiaefiling.gov.in वर लॉगिन करा.

– इथे तुम्हाला आधार लिंक करण्याचा पर्याय दिसेल. त्यावर क्लिक करा.

– त्यानंतर तुमचा पॅन नंबर, आधार क्रमांक, तुमचे नाव खाली असलेल्या बॉक्समध्ये भरा.

– यानंतर कॅप्चा कोड काळजीपूर्वक पाहा आणि बॉक्समध्ये भरा.

– सर्व माहिती भरल्यानंतर आधारशी लिंक अशा पर्यायावर क्लिक करा.

हेही वाचाः अर्भक कचराकुंडीत फेकणारी माता सापडली

पॅन कार्डसह आधारला कसे लिंक कराल?

पॅनशी आधार जोडण्याची प्रक्रिया ऑनलाईन आणि ऑफलाईन दोन्ही प्रकारे करता येते. आपण इच्छित असल्यास आपण एसएमएसद्वारे पॅन आणि आधार देखील लिंक करू शकता. यासाठी आपल्याला UIDPAN <SPACE>12 अंकी आधार क्रमांक> <SPACE> <10 अंकी PAN> लिहून 567678 नंबरवर किंवा 56161 वर मेसेज पाठवावा.

हेही वाचाः CORONA UPDATE | देशात १०२ दिवसातील सर्वात कमी रुग्णसंख्या आढळली

ऑनलाईन लिंक करण्याची प्रक्रिया

पॅनकार्डसह आधार लिंक करण्यासाठी अधिकृत आयकर वेबसाईट https://www.incometaxindiaefiling.gov.in/home वर जा. ‘लिंक आधार’ वर क्लिक करा. हे केल्यानंतर एक नवीन पृष्ठ उघडेल. त्यात पॅन, आधार क्रमांक आणि आपलं नाव भरा. जर आपल्या आधारवर फक्त जन्माचं वर्षं लिहिलं गेलं असेल तर आपणास हा पर्याय निवडावा लागेल – ‘आधार कार्डमध्ये माझ्याकडे फक्त जन्माचे वर्ष आहे. आता कॅप्चा कोड प्रविष्ट करा आणि लिंक आधारावर क्लिक करा. हे केल्यावर प्रक्रिया पूर्ण झालेलं पृष्ठ उघडेल, ज्यामध्ये पॅनशी संबंधित माहिती दिसेल.

हेही वाचाः तरुणीला वाचवण्यासाठी युवकाची मांडवीत उडी

हे काम ऑफलाईन करा

ऑफलाईन लिंकसाठी आपल्याला PAN सेवा प्रदाता, NSDL किंवा UTIITSL च्या सेवा केंद्रास भेट द्यावी लागेल. येथे ‘Annexure-I’ फॉर्म भरावा लागेल आणि पॅनकार्ड व आधार कार्डची प्रत सोबत अन्य काही कागदपत्रेही कॉपी करावी लागतील. या वेळी आपल्याला निश्चित फी देखील द्यावी लागेल. या प्रक्रियेद्वारे आपण पॅनला आपल्या आधारशी लिंक करू शकता.

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक आणि ट्विटरवर आम्हाला फॉलो करा तसेच युट्युब, व्हाटसअप आणि टेलिग्रामवर सबस्क्राईब करायला विसरु नका.
error: Content is protected !!