2000 च्या नोटा चलनातून बाद होताच ज्वेलर्सच्या दुकानात गर्दी, सोन्याची मागणी वाढली
Goan Varta Live | प्रतिनिधी
ब्यूरो रिपोर्ट 22 मे : सरकारने 2000 च्या गुलाबी नोटा चलनातून बाद केल्या आहेत. अशा परिस्थितीत ज्यांच्याकडे 2000 च्या नोटा आहेत ते 23 मे पासून बँकेत जाऊन त्या बदलून घेऊ शकतात. पण, 2000 ची नोट चलनात आल्यावर त्याची विल्हेवाट लावण्यासाठी लोक वेगवेगळ्या युक्त्या अवलंबत आहेत. नोटांचे चलन बंद झाल्यापासून सोने-चांदी खरेदी करणाऱ्यांच्या आकड्यात भलतीच वाढ झाली आहे.
नोटाबंदीनंतर अशी अनेक प्रकरणे समोर आलेली आहेत की लोक त्यांच्या 2000 च्या नोटा परत करण्यासाठी सोने खरेदी करत आहेत. त्यामुळे सोन्याच्या दरात मोठी उसळी पाहायला मिळत आहे. त्याचबरोबर सोनारांनीही सोने खरेदीवर ५ ते १० टक्के प्रीमियम आकारण्यास सुरुवात केली आहे. जे लोक 2000 च्या नोटांनी सोने खरेदी करत आहेत, अनेक सोनार त्या खरेदीवर 5-10 टक्के अतिरिक्त शुल्क आकारत आहेत.
2000 च्या नोटा चलनातून बाद झाल्या आहेत. पण ,ती अजूनही लिगल टेंडर आहे आहे. लोक 2000 रुपयांच्या नोटेसह कोणत्याही ज्वेलर्सकडून बाजारभावाने सोने किंवा चांदी खरेदी करू शकतात. नुकतेच स्टेट बँक ऑफ इंडियानेही लोकांच्या शंकांचे निरसन केले आहे. स्टेट बँक ऑफ इंडियाने म्हटले आहे की लोकांना 2000 च्या नोटा बदलण्यासाठी कोणताही फॉर्म किंवा ओळखपत्र देण्याची गरज नाही.
अशा परिस्थितीत जर कोणत्याही सोनाराने तुमच्याकडे सोने खरेदीवर अतिरिक्त पैसे मागितले तर तुम्ही ते टाळावे. 23 मे ते 30 सप्टेंबरपर्यंत लोक कोणत्याही बँकेत जाऊन त्यांच्या जुन्या नोटा बदलू शकतात.
