दुबईत घुमला जय भीमचा नारा…

सेलिब्रिटींच्या उपस्थितीत 'जयभीम' ॲपचा लोगो लाँच

Goan Varta Live | प्रतिनिधी

ब्युरो रिपोर्टः दुबई इंटरनॅशनल आयकॉन्स अवॉर्ड्स येथे बॉलीवूड सेलिब्रिटींच्या उपस्थितीत गिरीश वानखेडे यांनी शॉर्ट व्हिडिओ ॲप ‘जय भीम’चा लोगो लाँच केला. शनिवारी 25 सप्टेंबर रोजी या ॲपचा लोगो लाँच करताना यावेळी बॉलिवूड प्रसिद्ध अभिनेत्री नेहा शर्मा, अदिती राव हैदरी, झरीन खान, संदीप धर, डेझी शाह यांच्या सारखे दिग्गज कलाकार उपस्थित होते. या ॲपच्या मदतीने देशभरातील छोट्या-मोठ्या शहरांतील तरुणांना यामध्ये व्हिडिओ पोस्ट करता येणार आहेत. ॲपमधील ज्यांचे व्हिडिओ व्हायरल होतील त्यांना अथर्जिन करण्याचीही संधी मिळणार आहे. या ॲपमध्ये सर्व प्रकारचे स्वतंत्र देण्यात आले असून हे ॲप तरुणाईला मुक्तपणे व्यक्त होण्यासाठी प्रोत्साहित करेल.

आंतरराष्ट्रीय स्पर्धेत टिकवून ठेवण्यास मदत करणार जय भीम ॲप

यावेळी ॲपचे सीईओ गिरीश वानखेडे म्हणाले, जय भीम ॲप तुम्हाला आंतरराष्ट्रीय स्पर्धेत टिकवून ठेवण्यास मदत करेल. जे गेल्या दोन दशकांपासून मनोरंजनाच्या व्यवसायात आहेत, ज्यांचे स्वतःचे कौशल्य आहे त्यांच्यासाठी या ॲपद्वारे मोठी संधी निर्माण होणार आहे. हे ॲप शॉर्ट व्हिडिओ बनविणाऱ्याना स्वतःची स्वतंत्र ओळख निर्माण करून देण्यासाठी फायदेशीर ठरणार आहे. जगभरातील व्यक्तींचा यामध्ये समावेश होणार असल्याने अनेकांशी संपर्काचे साधन हे ॲप बनू शकते.

सामाजिक जाणीव जपण्याचा विचार

जय भीम ॲप हे छोट्या शहरांतील तरुणांना मनोरंजनाच्या संधी आणि उद्योजकतेबद्दल प्रोत्साहित करण्यासाठी अधिक लक्ष केंद्रित करणार आहे. इतर ॲप केवळ मनोरंजनावर लक्ष केंद्रित करतात. ज्यामुळे त्यांना प्रसिद्धी आणि पैसा मिळतो. या व्यतिरिक्त युवकांच्या काही सामाजिक जबाबदाऱ्या आहेत. ज्या त्यांची ऊर्जा वापरून पूर्ण केल्या जाऊ शकतात. जय भीम ॲपच्या माध्यमातून सामाजिक जाणीव जपण्याचा विचार करण्यात येणार आहे. त्यात विचारांचे स्वातंत्र्य आहे. त्यामुळे हे ॲप तरुणांच्या पसंतीस उतरणार आहे.

ॲपच्या नावाने भारतीयता आणि समानतेबद्दल संदेश

तरुणांची जयभीम नावाला पसंती शॉर्ट व्हिडिओ ॲपला जयभीम नाव देण्याबद्दल तरुणांमध्ये एक सर्व्हे करण्यात आला होता. यामध्ये असे आढळून आले की, बहुतांश तरुणांना शॉर्ट व्हिडिओ ॲपला जयभीम नाव देण्यात समानतेचा संदेश आणि सन्मानजक वाटले. कारण डिजिटल क्षेत्रातील इतक्या मोठ्या प्लॅटफॉर्मला डॉ. बाबासाहेब आंबेडकरांचा नारा देणे प्रत्येकासाठी अभिमानास्पद असल्याचे तरुणांनी प्रतिक्रिया दिल्या आहेत. म्हणून ॲपचे नाव जय भीम ॲपला जय भीम हे नाव देण्यामागे कारण असल्याचे वानखेडे सांगतात. ॲपच्या नावाने भारतीयता आणि समानतेबद्दल संदेश जातो. त्याचबरोबर, चौकटीबाहेरील विचारांसह हे ॲप पुढे येते. हे एक विशिष्ट तत्वज्ञान, जगभरातील जास्तीत जास्त लोकांपर्यंत पोहोचण्याचा दृष्टिकोन समोर ठेऊन प्रत्येक तरुणाला त्याच्या प्रगतीबद्दल जागरूक करून आणि मनोरंजन करेल. हे ॲप तरुणाईला आंतरराष्ट्रीय स्पर्धेत आणण्यासाठी महत्त्वाचे ठरेल असेही वानखेडे म्हणाले.

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक आणि ट्विटरवर आम्हाला फॉलो करा तसेच युट्युब, व्हाटसअप आणि टेलिग्रामवर सबस्क्राईब करायला विसरु नका.
error: Content is protected !!