TECHNO VARTA | तुम्ही ‘गूगल क्रॉम ब्राउझर’ वापरत असाल तर सावध व्हा ! सरकारच्या आयटी मंत्रालयाचा गंभीर इशारा
ऋषभ | प्रतिनिधी
वेबडेस्क 17 ऑगस्ट | इलेक्ट्रॉनिक्स आणि माहिती तंत्रज्ञान मंत्रालयाची सायबर सुरक्षा एजन्सी MeitY म्हणजेच CERT-In ने वापरकर्त्यांना पुन्हा एकदा इशारा दिला आहे. ही चेतावणी विशेषतः Google Chrome ब्राउझरसाठी जारी केली गेली आहे. एजन्सीने हा इशारा HIGH RISKच्या श्रेणीत ठेवला आहे. क्रोम ब्राउझरचा हा फॉल्ट अनेक एडिशन्समध्ये दिसून आला आहे, ज्यामुळे वापरकर्त्यांना आर्थिक नुकसान सोसावे लागलेले आहे. सदर सरकारी एजन्सी सायबर सुरक्षेशी संबंधित बाबींची चौकशी करते, तसेच सुरक्षा धोक्यात आल्यावर वापरकर्त्यांना चेतावणी देते.
CERT-In ने आपल्या एडवायझरीत म्हटले आहे की Google Chrome ब्राउझरमध्ये अनेक असुरक्षा त्रुटि आढळल्या आहेत, ज्यामुळे सायबर गुन्हेगार अनियंत्रित कोड अंमलात आणून वापरकर्त्यांची संवेदनशील माहिती चोरू शकतात. सदर वॉर्निंगमध्ये असे म्हटले आहे की अनियंत्रित कोडमध्ये प्रवेश मिळाल्यानंतर, वापरकर्त्याच्या सिस्टममधून महत्त्वपूर्ण माहिती चोरली जाऊ शकते. CERT-In ने Google Chrome च्या या समस्येचा वेब पेमेंट API, SwiftShader, Vulkan, Video आणि WebRTC इत्यादी अनेक घटकांमध्ये तपास केला आहे.
यापूर्वी, सिक्युरिटी फर्मने भारतीय रेल्वेला बनावट रेल कनेक्ट मोबाइल अॅपबद्दल चेतावणी दिली होती, ज्यामध्ये सायबर गुन्हेगार वैयक्तिक माहिती चोरत होते आणि वापरकर्त्यांना बनावट रेल कनेक्ट अॅपची लिंक पाठवून डिव्हाइस हॅक करत होते. सुरक्षा फर्मने अलीकडेच वापरकर्त्यांना विविध प्रकारच्या सायबर फसवणुकीबाबत इशारा दिला आहे.
CERT-In ने हे Chrome बग शोधलेत
– CVE-2023-0927
– CVE-2023-0928
– CVE-2023-0929
– CVE-2023-0930
– CVE-2023-0931
– CVE-2023-0932 / – CVE-2023-093-0932
–CVE-2023-0932
सेक्युर्टी अपडेट्स नियमितपणे डाउनलोड करा
हा धोका टाळण्यासाठी Google Chrome वापरकर्त्यांनी त्यांच्या ब्राउझरमध्ये सुरक्षा अपडेट नियमितपणे डाउनलोड करणे आवश्यक आहे. जेव्हा जेव्हा Google ला कोणत्याही एजन्सीकडून क्रोम ब्राउझरशी संबंधित तक्रार प्राप्त होते, तेव्हा कंपनी ती त्रुटी दूर करते आणि अपडेट जारी करते. हे अपडेट डाउनलोड करणे खूप सोपे आहे.
- Google Chrome चे नवीनतम सुरक्षा अपडेट डाउनलोड करण्यासाठी, वापरकर्त्यांना प्रथम त्यांच्या डेस्कटॉप किंवा संगणकावर ब्राउझर उघडावे लागेल. यानंतर, तुम्हाला वर दिलेल्या तीन डॉट्सवर क्लिक करावे लागेल.
- वापरकर्त्यांना येथे सेटिंग्जचा पर्याय दिसेल. त्यावर क्लिक करून वापरकर्ते नवीन टॅब उघडतील.
- यानंतर, तुम्ही ‘क्रोम बद्दल’ वर टॅप करून ब्राउझरची नवीनतम आवृत्ती डाउनलोड करू शकता. तुम्ही अबाउट क्रोम वर क्लिक करताच, ते आपोआप ब्राउझरची नवीनतम आवृत्ती तपासण्यास सुरुवात करते. यानंतर नवीन आवृत्ती डाउनलोड आणि स्थापित केली जाऊ शकते.
- नवीन आवृत्ती अपडेट केल्यानंतर गुगल क्रोम ब्राउझर रीस्टार्ट करावे लागेल.
