17 राज्यांमध्ये पेट्रोल शंभरीच्या पार! गोव्यातही लवकरच पेट्रोल सेन्च्युरी मारणार?
Goan Varta Live | प्रतिनिधी
पणजी : देशातील इंधन दरवाढीचा फटका गोव्यातही बसताना पाहायला मिळतोय. गोव्यात पेट्रोल डिझेलचे दर दररोज वाढत असल्यानं अनेकांचं बजेट कोलमडलं आहे. विशेष म्हणजे आतापर्यंत 17 राज्यांमध्ये पेट्रोलचे दर हे शंभरीपार गेला. यात थोड्या दिवसांमध्ये गोव्याचीही भर पडली, तर आश्चर्य वाटायला नको. कारण गोव्यात गेल्या काही दिवसांत दैनंदिन दरवाढीमुळे पेट्रोल-डिझेलच्या दरांनी उच्चांक गाठलाय.
आजचे दर काय आहेत?
उत्तर गोवा आणि पणजीमध्ये पेट्रोलचे दर हे 68 पैशांनी वाढलेत. त्यामुळे आता पेट्रोलची किंमत जवळपास 99च्या घरात पोहोचली आहे. उत्तर गोव्यात आणि पणजीत पेट्रोल 98.74 रुपये प्रतिलीटर आहे. तर दक्षिण गोव्यात 98.14 रुपये प्रतिलीटर इतका पेट्रोलचा दर आहे. दरम्यान, गेल्या 10 दिवसांत गोव्यात पेट्रोल डिझेलचे दर हे दीड ते दोन रुपयांनी वाढले आहेत. वाढत्या इंधन दरवाढीची झळ इतरही गोष्टींवर पडू लागल्यानं सर्वसामान्यांचं बजेट कोलमडलंय.
दुसरीकडे देशातील चार प्रमुख महानगरांमध्ये पेट्रोलच्या किंमतीमध्ये साधारण 30 ते 39 पैसे आणि डिझेलच्या दरात 24 ते 32 पैशांची वाढ झाली आहे. त्यामुळे मुंबईत प्रतिलीटर पेट्रोलसाठी (Petrol rate) 106.93 आणि प्रतिलीटर डिझेलसाठी 97.46 रुपये मोजावे लागतील. यापूर्वी बुधवार आणि गुरुवारी इंधनाच्या दरात वाढ होताना पाहायला मिळाली होती. त्यानंतर शुक्रवारच्या दिवसात इंधनाचे दर स्थिर होते. (Petrol and Diesel rates in country)
दिल्लीतही प्रतिलीटर पेट्रोलची किंमत 100.91 आणि डिझेलचा दर 89.88 इतका आहे. तर कोलकातामध्ये प्रतिलीटर पेट्रोलसाठी 101.01 रुपये आणि डिझेलसाठी 92.97 रुपये मोजावे लागत आहेत. सध्याच्या घडीला महाराष्ट्रातील शहरांमध्ये इंधनाचे दर सर्वाधिक आहेत. राज्यातील बहुतांश शहरांमध्ये पेट्रोलने 105 रुपये प्रतिलीटर हा टप्पा गाठला असून डिझेलही लवकरच शंभरी ओलांडण्याच्या मार्गावर आहे.
हेही वाचा : Video | POLITICS| FAMILY RAJ| भाजपच्या मानगुटीवर बसणार फॅमिली राजचं भूत?
जुलैमध्ये सहावेळा दरवाढ
जुलै महिना उजाडल्यापासून पेट्रोलच्या दरात सहावेळा तर डिझेलच्या दरात चारवेळा दरवाढ झाली आहे. यापूर्वी जून महिन्यात पेट्रोल-डिझेलच्या दरात तब्बल 16 वेळा दरवाढ झाली होती. मे महिन्यातही इंधनाच्या दरात 16 वेळा उसळी पाहायाला मिळाली होती. पश्चिम बंगालसह पाच राज्यांच्या निवडणुका झाल्यानंतर 4 मे पासून पेट्रोल आणि डिझेलचे दर वाढायला सुरुवात झाली होती. या निवडणुकीच्या काळात सलग 18 दिवस इंधनाचे दर स्थिर होते. मात्र, निवडणुकीचा निकाल जाहीर झाल्यानंतर इंधनाचे दर झपाट्याने वाढायला सुरुवात झाली होती.
हेही वाचा : ALERT | समुद्रात उतरु नका
17 राज्यांमध्ये पेट्रोल शंभरीपार
पेट्रोलने शंभरी गाठलेल्या देशातील प्रमुख शहरांमध्ये मुंबई, रत्नागिरी, औरंगाबाद, जैसलमेर, गंगानगर, हैदराबाद, लेह, बसवाडा, इंदौर, जयपूर, भोपाळ, ग्वाल्हेर, गुंटुर, काकिनाडा, चिकमंगळुरू, शिवामोग्गा आणि चेन्नईचा समावेश आहे.
देशातील 17 राज्य आणि केंद्रशासित प्रदेशांमध्ये पेट्रोल शंभरीच्या पलीकडे गेले आहे. यामध्ये महाराष्ट्र, राजस्थान, आंध्र प्रदेश, तेलंगणा, लडाख, कर्नाटक, जम्मू-काश्मीर, ओडिशा, बिहार, केरळ, सिक्कीम, दिल्ली आणि पश्चिम बंगाल या राज्यांचा समावेश आहे.
हेही वाचा : बांगलादेशात भीषण आग ; 40 जणांचा मृत्यू, 30 जखमी
