September 23, 2020 4:18 PM   Less than 1 Min

तीन महिन्यांत लोकायुक्तांची नियुक्ती करा

सचिन खुटवळकर | प्रतिनिधी

पणजी : गोव्याच्या लोकायुक्तांची नियुक्ती तीन महिन्यांत करण्याचे निर्देश उच्च न्यायालयाचे न्यायाधीश एम. एस. जवळकर व न्या. महेश सोनक यांच्या द्विसदस्यीय खंडपिठाने गोवा सरकारला दिले आहेत. निवृत्त न्यायमूर्ती पी. के. मिश्रा 17 सप्टेंबर रोजी लोकायुक्त पदावरून पायउतार झाल्यानंतर हे पद रिक्त होते. अ‍ॅड. आयरिश रॉड्रिग्ज यांनी लोकायुक्तांची नियुक्ती लवकर करण्यात यावी, यासाठी उच्च न्यायालयात याचिका दाखल केली होती. गोवा लोकायुक्त कायद्याप्रमाणे सर्वोच्च न्यायालयाचे निवृत्त न्यायाधीश किंवा कोणत्याही उच्च न्यायालयाचे निवृत्त मुख्य न्यायाधीशच या पदासाठी पात्र ठरतात.