श्री शांतादुर्गा कुंकळ्येकरीण देवीच्या जत्रोत्सवाला थाटात प्रारंभ
धनश्री मणेरीकर | प्रतिनिधी
मडगाव : फातर्पा येथील श्री शांतादुर्गा कुंकळ्येकरीण देवीच्या वार्षिक जत्रोत्सवाला सोमवारपासून थाटात प्रारंभ झाला. देवस्थान समितीचे अध्यक्ष नितीन देसाई यांनी जत्रोत्सवासंबंधी सविस्तर माहिती दिली.
सोमवार दि. १८ रोजी सकाळी श्रीस महाभिषेक झाला. रात्री विधीपूर्वक नमन, शिबिकोत्सव, पालखी, जागर, आरती, प्रसाद होईल.
दिवस दुसरा
पौष शुद्ध षष्ठी मंगळवार दि. १९ रोजी सकाळी श्रीस महाभिषेक, रात्री श्रींची अंबारी रथातून मिरवणूक, आरती, प्रसाद होईल.
दिवस तिसरा
पौष शुद्ध सप्तमी बुधवार दि. २० रोजी सकाळी श्रीस महाभिषेक, रात्री जागर, शिबिकोत्सव, श्रींची फुलांच्या रथातून मिरवणूक, आरती, प्रसाद वैगेरे होईल.
दिवस चौथा
पौष शुद्ध अष्टमी गुरुवार दि. २१ रोजी सकाळी श्रीस महाभिषेक, रात्री श्रींची विजय रथातून मिरवणूक, आरती, प्रसाद वैगेरे होईल.
दिवस पाचवा
पौष शुद्ध नवमी शुक्रवार दि. २२ रोजी सकाळी श्रीस महाभिषेक, रात्री जागर, शिबिकोत्सव, पहाटे ६ वाजता श्रींची महारथातून भव्य मिरवणूक, आरती, प्रसाद वैगेरे होईल.
दिवस सहावा
पौष शुद्ध दशमी शनिवार दि. २३ रोजी सकाळी श्रीस महाभिषेक, रात्री आरती, प्रसाद वैगेरे होईल.
