Goa Marathi Film Festival | गोवा मराठी चित्रपट महोत्सवात होणार चार प्रिमियर शो…

महोत्सवाचे उद्घाटन मुख्यमंत्री डॉ. सावंतांच्या हस्ते

Goan Varta Live | प्रतिनिधी

पणजी : चित्रपट महोत्सवाचे उद्घाटन शुक्रवारी संध्याकाळी साडेपाच वाजता आयनॉक्समध्ये मुख्यमंत्री डॉ. प्रमोद सावंतांच्या हस्ते होणार आहे. यावेळी प्रमुख पाहुणे म्हणून कला व संस्कृती मंत्री गोविंद गावडे व पणजी महानगरपालिकेचे महापौर रोहीत मोंसेरात हजर राहणार आहेत.
हेही वाचा:गोवा मराठी चित्रपट महोत्सवात बरसणार 22 सिनेमांच्या श्रावणसरी…

महोत्सवाचे यंदा तेरावे वर्ष

गोवा मराठी चित्रपट महोत्सवाचे यंदा तेरावे वर्ष आहे. यंदाच्या महोत्सवात चार नव्या कोर्‍या चित्रपटांचा शुभारंभी प्रयोग म्हणजेच प्रिमियर शो होणार आहेत. उद्घाटनानंतर पहिला प्रिमियर ‘सहेला रे’ चित्रपटाचा होणार असून ह्या सिनेमात सुमित राघवन, सुबोध भावे व मृणाल कुलकर्णी यांच्या प्रमुख भुमिका आहेत. चित्रपटाची कथा, पटकथा आणि दिग्दर्शन मृणाल कुलकर्णी यांचे आहे.
हेही वाचा:पोगो बिलाविषयी रेजीनाल्ड यांनी विधानसभेत केलेले विधान खोटे : मनोज परब

शनिवारी दोन चित्रपटांचे प्रिमियर

शनिवारी संध्याकाळी पाच वाजता मॅकेनिझ पॅलेस सिनेगृहात ओमकार बर्वे दिग्दर्शित ‘दीड’ सिनेमाचा आशिया प्रिमियर दाखवला जाणार आहे. ह्या चित्रपटात केतकी नारायण, रेणुका दफ्तरदार, श्रेयस कोटा व शिवराज वायचल यांच्या भुमिका आहेत. मॅकेनिझ पॅलेस मध्येच शनिवारी संध्याकाळी सात वाजता सुहास जोशी यांची मध्यवर्ती भुमिका असलेला ‘क्रिप्टो आजी’ ह्या अमित अग्रवाल दिग्दर्शित चित्रपटाचा जागतिक प्रिमियर होईल. चित्रपटातील इतर कलाकारांमध्ये शिवानी टांकसाळे व अनिकेत विश्वासराव यांचा समावेश आहे.
हेही वाचा:सरकारी प्राथमिक विद्यालयाच्या शाळेच्या विलिनीकरणास विरोध…

‘पिल्लू बॅचलर’ ह्या चित्रपटाचा प्रिमियर शो

समारोपाच्या कार्यक्रमात ‘पिल्लू बॅचलर’ ह्या चित्रपटाचा प्रिमियर शो दाखवला जाणार आहे. सुनिल फडतरे, तानाजी घाडगे, मोहन आगाशे, सयाजी संजीव व शशांक शेंडे यांच्या प्रमुख भुमिका असलेला हा चित्रपट लक्ष्मण गुट्टे यांनी दिग्दर्शित केला आहे.
हेही वाचा:रेल्वे दुपदरीकरणाला विरोध करणारी याचिका खंडपीठाने फेटाळली…

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक आणि ट्विटरवर आम्हाला फॉलो करा तसेच युट्युब, व्हाटसअप आणि टेलिग्रामवर सबस्क्राईब करायला विसरु नका.
error: Content is protected !!