CORONA UPDATE | राज्यातील कोविड परिस्थिती ‘जैसे थे’

मृत्यूदराची डोकेदुखीही कायम!

Goan Varta Live | प्रतिनिधी

ब्युरो रिपोर्टः राज्यातील कोविड परिस्थिती जैसे थे आहे. नवे कोविडबाधित सापडण्याचं प्रमाण 100 च्या बाहेर जाऊन पोहोचलंय. तर मृत्यूदराची डोकेदुखीही कायम आहे. शुक्रवारी कोविडमुळे एकाचा मृत्यू झालाय. त्यामुळे नाही म्हटलं तरी चिंता आहेच. राज्याचा रिकव्हरी रेट स्थिर असल्याचं राज्याच्या आरोग्य खात्याने जारी केलेल्या कोविड बुलेटिनमधून समोर आलंय.

शुक्रवारची कोविड आकडेवारी

राज्यातील आरोग्य खात्याने जारी केलेल्या कोविड बुलेटिननुसार गुरुवारी राज्यात 102 नवे कोरोनाबाधित सापडलेत. गुरुवारच्या नव्या कोरोनाबाधितांच्या आकडेवारीनंतर राज्यातील सक्रिय रुग्ण संख्या 992 झालीये. मागच्या 24 तासांत 4 हजार 685 कोरोना चाचण्या करण्यात आल्या होत्या. त्या तुलनेत नवे कोविडबाधित सापडण्याचं प्रमाण बरंच कमी आहे. शुक्रवारी नोंद झालेल्या नव्या कोविडबाधितांपैकी 17 जण हॉस्पिटलमध्ये उपचार घेण्यासाठी दाखल झालेत, तर 80 जणांनी होम आयसोलेशन स्वीकारलंय.

रिकव्हरी रेट स्थिर

मागील काही दिवस राज्याचा रिकव्हरी रेट स्थीर आहे. त्यात किंचित चढ-उतार होतायत. शुक्रवारी राज्याचा रिकव्हरी रेट 97.58  टक्के नोंद झालाय. तर मागच्या 24 तासांत 133 जणांनी कोरोनावर मात केली आहे. यातील 11 जण पूर्णपणे बरे झाल्यानं त्यांना हॉस्पिटलमधून डिश्चार्ज देण्यात आलाय.

हा व्हिडिओ पहाः Video | MUNDKAR CASES | मुंडकार कायद्याखाली सर्वच तालुक्यांत खटले प्रलंबित

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक आणि ट्विटरवर आम्हाला फॉलो करा तसेच युट्युब, व्हाटसअप आणि टेलिग्रामवर सबस्क्राईब करायला विसरु नका.
error: Content is protected !!