भाजपचे गोवा प्रभारी म्हणतात, ‘जेएनयूचं नाव बदलून स्वामी विवेकानंद यां नाव द्या!’
सिध्देश सावंत | प्रतिनिधी
पणजी : दिल्लीच्या जेएनयूचे नाव बदलून स्वामी विवेकानंद विद्यापीठ करावं, अशी मागणी भाजपच्या गोवा प्रभारींनी केली आहे. या मागणीमुळे ते चर्चेत आलेत.
भाजपच्या गोव्या प्रभारीपदी कर्नाटकच्या माजी मंत्र्यांची नेमणूक करण्यात आली होती. त्यांचं नाव आहे सी टी रवी. 13 नोव्हेंबरला ही नेमणूक करण्यात आली होती.
काँग्रेस पाठोपाठ आता भाजपचेही गोव्याचे प्रभारी कर्नाटकातील असणार आहेत. फक्त गोवाच नाही तर महाराष्ट्र आणि तामिळनाडूचे भाजपचे प्रभारी म्हणून ते काम करणार आहेत. त्यांनी केलेल्या या मागणीमुळे नवी चर्चा रंगू लागली आहे. 16 नोव्हेंबरला ट्वीट करत त्यांनी ही मागणी केली आहे.
It is Swami Vivekananda who stood for the “Idea of Bharat”. His philosophy & values signify the “Strength of Bharat”.
— C T Ravi 🇮🇳 ಸಿ ಟಿ ರವಿ (@CTRavi_BJP) November 16, 2020
It is only right that Jawaharlal Nehru University be renamed as Swami Vivekananda University.
Life of Bharat’s patriotic Saint will inspire generations to come.
काँग्रेसची प्रतिक्रिया
सी टी रवी यांनी केलेल्या मागणीवर काँग्रेसनंही प्रतिक्रिया दिली आहे. काँग्रेसचे प्रवक्ते अजन माकन यांनी नाव बदलण्याच्या मागणीवर सडेतोड उत्तर दिलं आहे. नाव बदलून कुणी माणूस लहान किंवा मोठा होणार नाही. नामांतराच्या राजकारणावर काँग्रेसचा विश्वास नसल्याचं अजय माकन यांनी म्हटलंय.
जेएनयूत विवेकानंदांच्या मूर्तीचं अनावरण
पंतप्रधान नरेंद्र मोदींनी हल्लीच स्वामी विवेकानंदांच्या मूर्तीचं अनावरण केलं होतं. व्हिडीओ कॉन्फरन्सिंगच्या माध्यमातून त्यांनी हे अनावरण केलं होतं. यावेळी त्यांनी विद्यार्थी आणि तरुणांशी संवाद साधत विवेकानंदांच्या विचारांवर जगण्याचा संदेश दिला होता.
गेल्या वर्षी 14 नोव्हेंबरला याच मूर्तीवरुन वाद झाला होता. तर हल्लीच जेएनयूमध्ये 13.3 फूट उंच असणाऱ्या विवेकानंदांच्या मूर्तीचं अनावरण करण्यात आलंय.
