गोवा सरकारने कर्नाटक निवडणुकीसाठी 10 मे रोजी सशुल्क सुट्टी जाहीर केली; विरोधक आक्रमक
Goan Varta Live | प्रतिनिधी
ब्यूरो रिपोर्ट, पणजी : शेजारच्या कर्नाटक राज्यातील विधानसभा निवडणुकांमुळे गोवा सरकारने १० मे रोजी सशुल्क सुट्टी जाहीर केली आहे. भाजपच्या नेतृत्वाखालील सरकारच्या निर्णयाला उद्योग संघटनांसह विरोधी पक्षांकडूनही जोरदार प्रतिसाद मिळाला आहे. गोवा स्टेट इंडस्ट्रीज असोसिएशनने सूचित केले आहे की ते राज्याने घोषित केलेल्या सुट्टीच्या विरोधात कायदेशीर मार्ग काढू इच्छितात.
सोमवारी एका परिपत्रकाद्वारे गोवा सरकारने कर्नाटक विधानसभेच्या निवडणुकांमुळे 10 मे रोजी सशुल्क सुट्टीचा निर्णय दिला . ही सुट्टी सरकारी कर्मचारी तसेच खाजगी कर्मचारी जसे औद्योगिक कामगार आणि रोजंदारी कर्मचारी यांना लागू असेल.
गोवा स्टेट इंडस्ट्रीज असोसिएशनचे अध्यक्ष दामोदर कोचकर यांनी सरकारचा हा निर्णय बेताल असल्याचे म्हटले आहे. तर आम आदमी पक्षाच्या गोवा युनिटचे अध्यक्ष अमित पालेकर यांनीही सार्वजनिक सुट्टी जाहीर करण्याच्या राज्य सरकारच्या निर्णयाचा निषेध केला. AAP च्या गोवा प्रदेशाध्यक्षांनी ट्विट केले, “कर्नाटकाने गोवा निवडणुकीसाठी सशुल्क सुट्टी जाहीर केल्याचे कधीही ऐकले नाही! @DrPramodPSawant आणि @bjpgoa नी आधी आमची आवोई, आमची म्हादई विकून आता ही सुट्टी जाहीर करणे म्हणजे गोव्याच्या जखमेवर मीठ चोळण्यासारखी आहे. मग रामनवमीला सुट्टी का देता आली नाही? “
त्याचप्रमाणे गोवा फॉरवर्ड पार्टीने देखील या मुद्द्यावर राज्य सरकारला कोंडीत पकडण्याचा प्रयत्न केला, त्यांनी ट्विट केले, “@DrPramodPSawant यांचा उत्साह आणि झटपट निर्णय घेणे हे जेव्हा #Goans ने #RamaNavami साठी सुट्टी मागितली तेव्हा ते दिसून आले नाही. #Goa मधील #Goemkars बद्दल त्यांना अर्थातच @BJP4Karnataka मधील त्याच्या मित्रांसारखा आदर नाही.
दरम्यान, पीटीआय या वृत्तसंस्थेने गोव्याच्या मुख्यमंत्र्यांच्या कार्यालयातील एका वरिष्ठ अधिकाऱ्याच्या हवाल्याने म्हटले आहे की, शेजारील राज्यांमध्ये निवडणुका असताना सुट्टी देण्याची पद्धत आहे. गोव्यातील निवडणुकांमुळे कर्नाटकने गेल्या वर्षी अशीच सुट्टी जाहीर केली होती, असा दावा या अधिकाऱ्याने केला.
(पीटीआय या वृत्तसंस्थेच्या संदर्भासहित)
