इंधन, किराणा सामानानंतर आता ‘आईस्क्रीम’ही महागलं

पार्लरमध्ये विक्री होणाऱ्या आयस्क्रीमवर 18 टक्के जीएसटी लागणार

Goan Varta Live | प्रतिनिधी

ब्युरो रिपोर्टः तुम्ही आयस्क्रीम लव्हर आहात, तर ही बातमी तुमच्यासाठी महत्त्वाची आहे. एकीकडे सातत्यानं पेट्रोल, डिझेल, घरगुती गॅल, भाजीपाला, डाळी अशांचे दर वाढत असताना दुसरीकडे आता आईस्क्रीम प्रेमींचीही निराशा होणार आहे. पार्लर किंवा कोणत्याही प्रकारच्या दुकानांमध्ये विक्री करण्यात येणाऱ्या आईस्क्रीमवर आता 18 टक्के जीएसटी आकारला जाणार आहे.

सीबीआयसीची माहिती

सेंट्रल बोर्ड ऑफ इनडायरेक्ट टॅक्सेस अँड कस्टम्सनं (सीबीआयसी) बुधवारी यासंदर्भातील माहिती दिली. पार्लर अथवा दुकानांमध्ये विक्री होणाऱ्या आईस्क्रीमवर 18 चक्के जीएसटी लावण्याचा निर्णय यावेळी जाहीर करण्यात आला. याशिवाय सीबीआयसीनं २१ वस्तू आणि सेवांशी निगडीत दरांमध्ये बदलांवर व्यापार आणि उद्योग समूहाद्वारे विचारण्यात आलेल्या प्रश्नांवर आपली भूमिका स्पष्ट केली. याचा निर्णय 17 सप्टेंबर रोजी पार पडलेल्या 45 व्या जीएसटी परिषदेच्या बैठकीत घेण्यात आला होता.

आईस्क्रीम पार्लरबद्दल बोलताना सीहीआयसीनं म्हटलं की असं स्थान पहिल्यापासून आईस्क्रीमची विक्री करतात आणि ते रेस्तराँ प्रमाणे नसतात. आईस्क्रीम पार्लर कोणत्याही प्रकारच्या जेवण तयार करण्याच्या रुपात संलग्न नसतात. तर दुसरीकडे रेस्तराँ सेवा देताना अन्नपदार्थ शिजवणं किंवा तयारी करण्याच्या कामात सामील असतात, असंही यावेळी सांगण्यात आलं.

बोर्डाने स्पष्ट केलं की त्यांच्या क्रियाकलापांमध्ये यात काही घटक उपस्थित असूनही सेवा म्हणून नव्हे तर एक वस्तू (उत्पादित वस्तू) म्हणून आईस्क्रीमचा पुरवठा होतो. त्यामुळे यावर 18 टक्के जीएसटी आकारला जाईल. यापूर्वी काही प्रकरणांमध्ये अधिकाऱ्यांनी सांगितलं होते की आइस्क्रीम पार्लरमध्ये विकलं जाणारे आईस्क्रीम रेस्तराँ सेवांखाली समाविष्ट केले जाईल (मोठ्या प्रमाणात ऑर्डरमध्ये विक्री होत असलेलं आईस्क्रीम वगळता) आणि म्हणून 5 टक्के जीएसटी दर आकारला जाईल, असं ईव्हायई टॅक्स पार्टनर अभिषेक जैन यांनी सांगितलं.

त्यामुळे त्यांच्यावर रेस्तराँच्या बाबी लागू होत नाहीत

आता परिपत्रकात अशी तरतूद करण्यात आली आहे की आइसक्रीम पार्लर आधीच तयार केलेले आइस्क्रीमची विक्री करतात. त्यामुळे त्यांच्यावर रेस्तराँच्या बाबी लागू होत नाहीत आणि त्यानुसार 18 टक्के (आयटीसीसह) जीएसटी लागू होईल.

ताज्या घडामोडी, अपडेट्स आणि तुमच्याशी निगडीत प्रत्येक गोष्ट मिळवा एका क्लिकवर! फेसबुक आणि ट्विटरवर आम्हाला फॉलो करा तसेच युट्युब, व्हाटसअप आणि टेलिग्रामवर सबस्क्राईब करायला विसरु नका.
error: Content is protected !!