राष्ट्रीय बचत प्रमाणपत्र योजना : कर सवलतीसह जास्त व्याजासाठी करा पोस्टाच्या या NSC स्किममध्ये गुंतवणूक; जाणून घ्या सोप्पी प्रोसेस
ऋषभ | प्रतिनिधी
आर्थिक वर्ष 2022-23 संपायला अवघे काही दिवस उरले आहेत. जर तुम्हाला कर वाचवण्यासाठी गुंतवणूक करायची असेल तर तुम्ही 31 मार्चपर्यंत करू शकता. जर तुम्हाला तुमच्या गुंतवणुकीवर कर बचतीसोबत जास्त परतावा हवा असेल तर तुम्ही पोस्ट ऑफिसच्या नॅशनल सेव्हिंग सर्टिफिकेट (NSC) स्कीममध्ये पैसे गुंतवू शकता. या योजनेत सध्या वार्षिक 7% व्याज दिले जात आहे. चला तर या योजनेबद्दल जाणून घेऊया…..
कर सवलतीचा मिळतो लाभ
आयकर कायद्याच्या कलम 80C अंतर्गत तुम्ही राष्ट्रीय बचत प्रमाणपत्रामध्ये जे काही पैसे गुंतवले. त्यावर तुम्ही कर सूट मागू शकता. एका आर्थिक वर्षात NSC मध्ये जास्तीत जास्त 1.5 लाख रुपये गुंतवून तुम्ही यावर कर सवलतीचा लाभ घेऊ शकता.
मुलांच्या नावानेही उघडता येते खाते
या योजनेत मुलांच्या नावानेही खाते उघडता येते. जर मुलांचे वय 10 वर्षांपेक्षा कमी असेल, तर पालकांच्या वतीने त्याच्या नावावर खाते उघडले जाऊ शकते. वयाच्या 10 व्या वर्षी, मूल त्याचे खाते स्वतः चालवू शकते, तर जेव्हा तो प्रौढ होतो तेव्हा त्याच्याकडे खात्याची संपूर्ण जबाबदारी दिली जाते. याशिवाय 18 वर्षे वयाची व्यक्ती स्वतः किंवा अल्पवयीन व्यक्तीच्या वतीने NSC मध्ये गुंतवणूक करू शकते. हे खाते 3 प्रौढांच्या नावे संयुक्त खाते म्हणूनही उघडता येते.
5 वर्षांचा लॉक इन कालावधी
जर तुम्हाला तुमची गुंतवणूक काढायची असेल तर तुम्हाला ५ वर्षे वाट पाहावी लागेल. याचा लॉक-इन कालावधी 5 वर्षांचा आहे. म्हणजेच 5 वर्षापूर्वी तुम्ही तुमचे पैसे काढू शकणार नाही.
किती वेळात पैसे दुप्पट होतात
यामध्ये वार्षिक 7% व्याजदरानुसार व्याज मिळते. अशा परिस्थितीत 72 च्या नियमानुसार, जर तुम्ही या योजनेत पैसे गुंतवले तर पैसे दुप्पट होण्यासाठी 10 वर्षे आणि 2 महिने लागतील.
गुंतवणूक करण्यापूर्वी या गोष्टी लक्षात ठेवा
मॅच्युरिटी कालावधी दरम्यान तुम्हाला त्यावर मिळणारे व्याज काढायचे असेल, तर तुम्ही या योजनेत गुंतवणूक केल्यास ते तुम्हाला करता येणार नाही.
यामध्ये 5 वर्षांचा लॉक-इन कालावधी आहे, म्हणजेच तुम्ही 60 महिन्यांपर्यंत पैसे काढू शकणार नाही. म्हणूनच ही योजना 1-2 वर्षांसाठी गुंतवणूक करू इच्छिणाऱ्यांसाठी योग्य नाही.
