कूकिंग गॅस सिलिंडर 172 रुपयांनी स्वस्त ! सर्व सामान्यांच्या खिशावरील बोजा किंचित होणार कमी
ऋषभ | प्रतिनिधी
राष्ट्रीय : कामगार दिनी सरकारने जनतेस चांगली बातमी देत खिशावरील बोजा जरा हलका केला आहे. सरकारने एलपीजी गॅस सिलेंडरच्या दरात मोठी कपात केली आहे. मात्र, केवळ व्यावसायिक गॅस सिलिंडरवर ही कपात करण्यात आली आहे. मिळालेल्या माहितीनुसार, दिल्ली ते पाटणा या व्यावसायिक एलपीजी सिलिंडरच्या किंमतीत १७१.५० रुपयांची मोठी कपात करण्यात आली आहे. नवे दर आजपासून म्हणजेच सोमवारपासून लागू झाले आहेत. आजपासून देशाची राजधानी दिल्लीमध्ये व्यावसायिक सिलिंडर 1856.50 रुपयांना मिळणार आहे. याआधीही सरकारने व्यावसायिक सिलिंडरच्या किमती कमी केल्या होत्या.
गेल्या महिन्यात 1 एप्रिल 2023 रोजी व्यावसायिक सिलिंडरची किंमत सुमारे 92 रुपयांनी कमी झाली होती. मात्र, त्याआधी 1 मार्च रोजी व्यावसायिक एलपीजी सिलिंडरच्या किमतीत एका झटक्यात 350 रुपयांनी वाढ करण्यात आली होती. 1 मे 2022 रोजी दिल्लीत 19 किलोचा व्यावसायिक सिलिंडर 2355.50 रुपयांना उपलब्ध होता. आता ते Rs.1856.50 मध्ये उपलब्ध होईल. व्यावसायिक सिलिंडर कमी झाल्यामुळे हॉटेल्स, रेस्टॉरंट चालवणाऱ्या व्यावसायिकांना मोठा दिलासा मिळाला आहे. त्यामुळे महागाई कमी होण्यासही मदत होते.
व्यावसायिक सिलेंडरचे नवीन आणि जुने दर
एलपीजी गॅस सिलिंडरची किंमत येथे पहा
एलपीजी सिलेंडरची किंमत तपासण्यासाठी तुम्हाला सरकारी तेल कंपनी IOC च्या वेबसाइटवर जावे लागेल. येथे कंपन्या दर महिन्याला नवीन दर जारी करतात. https://iocl.com/Products/Indanegas.aspx या लिंकवर तुम्ही तुमच्या शहरातील एलपीजी गॅस सिलिंडरची किंमत तपासू शकता.
सरकारी गॅस कंपन्यांनी विना अनुदानानीत 14.2 किलोच्या एलपीजी सिलिंडरच्या किंमतीत कोणताही बदल केलेला नाही. राजधानी दिल्लीत विना अनुदानानीत 14.2 किलो गॅस सिलिंडरची किंमत 1103.00 रुपये आहे, मुंबई, कोलकाता आणि चेन्नईमध्ये एलपीजी सिलिंडरची किंमत अनुक्रमे 1102.50 रुपये, 1129.00 रुपये आणि 1118.50 रुपये आहे.
