ऑटो वार्ता | OLA ELECTRICची सर्वात किफायतीशिर ई-बाइक भारतात लॉंच, स्पेक्स आणि इतर माहितीसाठी वाचा सविस्तर
ऋषभ | प्रतिनिधी
वेबडेस्क 15 ऑगस्ट | ola S1 PRO , ola S1 AIR , ola S1 PLUS च्या अद्भुत यशानंतर भारतीय इलेक्ट्रिक वाहन क्षेत्रातील एक आघाडीची वाहन निर्माता OLA ने भारतात S1X इलेक्ट्रिक स्कूटर लॉन्च केली आहे. ही ब्रँडची सर्वात परवडणारी बाइक आहे, ज्याची किंमत 89,999 रुपयांपासून सुरू होत आहे.
Ola S1X हे Ola च्या रेंजमधील इतर मॉडेल्ससारखे दिसते. मात्र, कंपनीने काही वेगळे बदल केले आहेत. स्कूटरमध्ये हेडलॅम्प काउल आहे ज्यामध्ये ड्युअल एलईडी हेडलाइट्स, एक लहान विंडस्क्रीन आणि डिजिटल इन्स्ट्रुमेंट कन्सोल आहे.
S1X ड्युअल-टोन बॉडीवर्कसह येतो आणि त्यात फ्लॅट फ्लोअरबोर्ड आहे. यात गोलाकार आरशांसह एक उघडा हँडलबार, एक सपाट सीट आणि मागील बाजूस ग्रॅब रेल आहे. समोरच्या ऍप्रनमध्ये दोन क्युबीहोल आणि 34 लीटर अंडर-सीट स्टोरेज आहेत.
Ola S1X तीन बॅटरी पर्यायांसह येते- 2 kWh, 3 kWh आणि टॉप-स्पेक S1X प्लस व्हेरिएंट 4 kWh बॅटरी पॅकसह ऑफर केले जाते. ओलाने अद्याप कामगिरीचे तपशील उघड केलेले नाहीत. पण याची रेंज 150-160 किमी/चार्ज असेल. तर वेग ताशी 80 किमी /तास असेल.
S1X मध्ये टेलिस्कोपिक फ्रंट फोर्क आणि मागे दुहेरी शॉक एब्सोर्बर आहेत. ब्रेकिंग सेटअपमध्ये दोन्ही टोकांना पारंपरिक ड्रम ब्रेक्स असतात.
Ola S1Xचे वेग वेगळे मोडल्स आणि त्यांच्या एक्स-शोरूम किंमती:
- S1X 2 kWh – रु 89,999
- S1X 3 kWh – रु 99,999
- S1X Plus 4 kWh – रु 1,09,999
तिन्ही प्रकारांवर 21 ऑगस्टपर्यंत 10,000 रुपयांची सूट दिली जात आहे. तर डिलिव्हरी ही अधिकृतरीत्या डिसेंबर 2023 पासून सुरू होण्याची शक्यता वर्तवली जात आहे
